நவராத்திரி கொலுவில் ஜெயலலிதா உருவ பொம்மை வைக்கலாமா – சாஸ்திரம் சொல்வது என்ன?


jaya

செப்டம்பர் 21-ம் தேதி நவராத்திரி தொடங்குகிறது. பெரும்பாலான வீடுகளில் கொலு வைப்பதற்கான ஏற்பாடுகள் நடந்து வருகின்றன. அதற்கென விதவிதமான பொம்மைகள் விற்பனைக்கு வந்துள்ளன. வழக்கமான கொலு வைப்பதற்கென சில வரையறைகளை நம் முன்னோர் வகுத்து வைத்திருக்கிறார்கள். ஆயினும் இளம் தலைமுறை, தங்கள் கற்பனைக்கேற்ப விதவிதமான பொம்மைகளை வாங்கி வைத்து வித்தியாசமான கொலுக்களை அமைக்கிறார்கள்.

கொலு

கடந்த சில வருடங்களில் அப்துல் கலாம், மகாத்மா காந்தி, சுபாஷ் சந்திரபோஸ் போன்ற தலைவர்களின் சிலைகள் விற்பனைக்கு வந்தன. அவற்றை வைத்து சுதந்திரப் போராட்ட காட்சிகளை கொலுவில் வைத்தார்கள். அந்த வகையில் இந்த ஆண்டு புதிதாக விற்பனைக்கு வந்திருக்கும் பொம்மை, முன்னாள் முதல்வர் ஜெயலலிதாவினுடையது. பச்சை, சிவப்பு என விதவிதமான வண்ணங்களில் சிலைகள் விற்கப்படுகின்றன. அதே நேரத்தில். ‘இறந்து ஒரு வருடம் கூட ஆகாத நிலையில் ஜெயலலிதாவின் பொம்மையை கொலுவில் வைப்பது ஆகம விதிகளுக்கு முரணானது’ என்ற குரலும் எழத் தொடங்கியிருக்கிறது.

பெரும்பாலானோர், ஜெயலலிதாவின் பொம்மையை ஆர்வத்தோடு வாங்கிவரும் நிலையில், அப்பொம்மையை கொலுவில் வைக்கலாமா? சாஸ்திர நிபுணர் குமார சிவாச்சார்யாரிடம் கேட்டோம். குமார சிவாச்சாரியார்

“நவராத்திரிக்குக் கொலு வைப்பது என்பதெல்லாம், ஆகம விதிகளில் வராது. இது சில நூற்றாண்டுகளுக்கு முன்பு வந்த ஒன்று. பெண்களின் மகிழ்ச்சிக்காக தொடங்கப்பட்டது. பஞ்சபூதங்களில் ஒன்று நிலம். இதிலிருந்து கிடைக்கும் களிமண்ணால் தன்னை பொம்மையாகச் செய்து பூஜித்தால், அவர்களுக்கு சகல சுகங்களையும், சௌபாக்கியங்களையும் அளிப்பேன் என்று, தேவி பாகவதத்தில் அம்பிகை கூறுகிறார்.

குமார சிவாச்சாரியார்

முன்னாள் முதல்வர் ஜெயலலிதாவின் பொம்மையை கொலுவில் வைக்கலாமா, கூடாதா என்பது பெரிய விஷயமில்லை. சம்பிரதாயப்படி, கொலுவின் ஒவ்வொரு படியிலும் ஒவ்வொருவிதமான பொம்மைகளை வைப்பார்கள். ஆறாவது படியில் மனிதர்கள், தொழில் சார்ந்த கலைஞர்கள் பொம்மைகள் இடம் பெறும். அதில் வேண்டுமானால் ஜெயலலிதாவின் பொம்மையை வைக்கலாம். ஆனால், அதற்கு அடுத்துள்ள படிகளில் வைக்கக்கூடாது. ஏனென்றால், ஏழாவது படிகளில் சித்தர்கள், மகரிஷிகளின் பொம்மைகளைத்தான் வைக்க வேண்டும். எட்டாவது படியில் தேவர்கள், நவகிரகங்கள், அஷ்டதிக்கு பாலகர்கள் ஆகிய பொம்மைகளையும் ஒன்பதாவது படியில் சுவாமி பொம்மைகள், பூரண கும்பம் மற்றும் லலிதா பரமேஸ்வரியின் சிலையை பிரதானமாக வைக்கவேண்டும்” என்கிறார் அவர்.

”கொலு வைப்பதற்கு எந்த வித ஆகம நெறிமுறைகளும் கிடையாது. கொலு வைப்பதே பிள்ளைகள், பெண்கள் ஆகியோர் மகிழ்ச்சிக்காகத்தான் அமைக்கிறார்கள். மனிதன் படிப்படியாக தனது ஆன்மிக நெறிகளையும் சிந்தனைகளையும் வளர்த்துக்கொண்டு முடிவில், இறைவனுடன் கலக்கவேண்டும் என்ற தத்துவத்தை உணர்த்துவதற்காகவே, கொலுவில் படிகள் அமைக்கப்பட்டு, அதில் பொம்மைகள் அடுக்கி வைக்கப்படுகின்றன. ஒன்பது படிகள் அமைப்பது மரபு. ஒவ்வொரு படியிலும் சம்பிரதாய முறைப்படி பொம்மைகளை வைக்கவேண்டும்.

பி.எ3ன்.பரசுராமன்முதல் படியில் ஓரறிவு உயிரினங்களான புல், மரம், செடி, கொடி, பொம்மைகளை வைக்க வேண்டும். இரண்டாவது படியில் இரண்டறிவு உள்ள உயிரினங்களான நத்தை, சங்கு, ஆமை போன்ற பொம்மைகளை வைக்கலாம். மூன்றாவது படியில் மூன்றறிவு உள்ள உயிரினங்களான எறும்பு, கரையான் பொம்மைகளை வைக்கலாம்.

பி.எ3ன்.பரசுராமன்

நான்காவது படியில் நான்கறிவு உள்ள உயிரினங்களான வண்டு, பறவை பொம்மைகளை வைக்கலாம். ஐந்தாவதுரவி குருக்கள் படியில் ஐந்தறிவு உள்ள உயிரினங்களான ஆடு, மாடு, சிங்கம், புலி மற்றும் நாய் பொம்மைகளை வைக்கலாம். ஆறாவது படியில் ஆறறிவு மிக்க உயிரான மனிதர்களையும், மாமனிதர்களையும் வைக்கலாம். குறவன் குறத்தி, மீனவன் வேடன், வியாபாரி, அரசன் போலீஸ், மற்றும் தலைவர்கள் ஆகியோர் பொம்மைகளை வைக்கலாம் இதில் எந்தத் தவறும் இல்லை” என்கிறார் ஆன்மிகச் சொற்பொழிவாளர் பி.என்.பரசுராமன்.

ரவி குருக்கள்

ஆனால், மாங்காடு காமாட்சியம்மன் கோயில் குருக்கள் ரவி நேர் எதிரான கருத்தை முன்வைக்கிறார். “நம் முன்னோர்கள் கொலு வைப்பதற்கு சில மரபுகளை வைத்திருக்கிறார்கள். கட்சி சார்பானவர்கள், அரசியல் தலைவர்களின் சிலைகளையெல்லாம் கொலு படிகளில் வைக்கமாட்டார்கள். படிகளுக்கு கீழே வேண்டுமானால், தங்களின் அபிமான தலைவர்களின் பொம்மைகளை வைக்கலாம். வேறெங்கும் வைக்கக்கூடாது. இது மிகப்பெரும் அவமதிப்பாக முடியும்” இவ்வாறு அவர் கூறினார்.

Source: Vikatan

Previous தோனி, தோனி, தோனி... சேப்பாக்கம் மைதானத்தில் செம்ம்ம்ம்ம அனுபவம்!
Next 'பி.ஜே.பி-யின் எடுபிடி இந்த அ.தி.மு.க. அரசு!’’ - கொதிக்கிறார் சுப.வீரபாண்டியன்

No Comment

Leave a reply

Your email address will not be published. Required fields are marked *